„ – საკუთარმა შვილმა არ დამინდო და ავადმყოფობა მომიხათრებს, მომერიდება?!”

„მაინც რა პატარაა საქართველო, კაცს თუ გამოელაპარაკე, თუ ძირამდე ჩასდიე, ნათესავი აღმოჩნდება აუცილებლად…” – (მწერალი)

„ადამიანი ქვეყნად გარკვეული მოვალეობის აღსასრულებლად არის მოვლენილი, მაგრამ ერთი საქმისთვის გაჩენილი კაცი მთელი ცხოვრება მეორეს ემსახურება”. – (პრემიერა)

„ – საერთოდ, თქვენ თავზე არ მიიღოთ და, ყველა ჭკუას რომ გარიგებს, ცუდია”. – (წლევანდელი ზაფხული წყალტუბოში)

„ყარაულის ძილი არ გამიგია მე!”

„ყველა ოჯახს საკუთარი დარდი აქვს. გარედან მაყურებელი (თუნდაც ფანჯრიდან მაცქერალი) ვერაფერს გრძნობს, თავისი სატირალი ჰყოფნის და სხვაგან სიმშვიდე და ბედნიერება ჰგონია”. – (დალი)

„ვინ რისი შემძლეა, არავინ არ იცის ქვეყანაზე…”

„სიცილიდან ტირილამდე აღარაფერია დარჩენილი და რაა სასაცილო და რა სატირალი, მაგი, პატივცემულო, კაციშვილს არ გაურკვევია ჯერ”.