ჩვენში დამკვიდრებული ტრადიციის თანახმად, ოფიციალური ცერემონიალის დასრულების შემდგომ, ახლადდაქორწინებული წყვილი სახლის კართან დადებულ თეფშს ფეხით ამსხვრევს. საქორწინო ცერემონიალს მსხვრევის ტრადიცია ასევე თან ახლავს ცენტრალური ამერიკის ერთ-ერთ ქვეყანაში – გვატემალაშიც.

მეორე მსოფლიო ომის მიმდინარეობის ჟამს, საფრანგეთის წინააღმდეგობის მოძრაობის ლეგენდად ქცეული ლიდერი – შარლ დე გოლი, არაერთხელ იქნა გაკრიტიკებული იმ ავტორიტეტული ფრანგი მწერლის მიერ, რომლის სიტყვასაც დიდი ზეგავლენის მოხდენა შეეძლო საზოგადოებრივ აზრზე.

გამოჩენილი ინგლისელი მწერლის, ნატურალისტისა და მოგზაურის – ჯერალდ დარელის ლიტერატურულ ქმნილებაში, სახელწოდებით – „მთვრალ ტყეში”, მთავარმა მოქმედმა გმირმა (თავად ავტორმა), რომელიც წიგნის სიუჟეტის მიხედვით უცხოეთში იმყოფებოდა, ნაწარმოების ერთ-ერთ გმირს, წარმომავლობით ინგლისელს (თანამემამულეს), სახელად – ჯეკის, შემდეგი სიტყვით მიმართა – „ჩვენში ნაციონალური თამაშია ფეხბურთი, ამათთან – რევოლუციაო”.

„ის რომ ცოცხალი ყოფილიყო, პრინცად ვაქცევდიო”, – დანანებით განაცხადა ერთხელ, ერთ-ერთი დიდი ფრანგი პოეტისა და დრამატურგის შესახებ კარიერის ზენიტში მყოფმა ნაპოლეონ ბონაპარტემ.

1464 წლის 30 აგვისტოს რომის კათოლიკური ეკლესიის საჭეთმპყრობელის ტახტზე ვენეციელი კარდინალი – პიეტრო ბარბო ავიდა. როდესაც სახელის გამოცვლის აუცილებლობის წინაშე დადგა ახლადარჩეული პონტიფიკოსი,