„დავიწყოთ იმით,რომ კაცმა უნდა იცოდეს,როგორ შემოვიდეს ოთახში,მერე კი როგორ გავიდეს იქიდან.

დედამიწის ირგვლივ პირველი წარმატებული მოგზაურობის შემოქმედის,პორტუგალიელი ზღვაოსნის – ფერნანდო მაგელანის (1480-1521 წლები) მიმართ ესპანეთის სამეფო კარის უნდობლობა იმდენად მაღალი იყო,რომ მეფის – კარლ V-საგან გაცემული იყო საიდუმლო ინსტრუქცია,რომლის თანახმადაც ექსპედიციის რამდენიმე წევრს მუდმივად უნდა ედევნებინა გასაიდუმლოებულ ვითარებაში თვალყური მისი ყოველი ნაბიჯისათვის.

პირველი ადამიანი,რომელმაც XVIII საუკუნეში ევროპელებს ბომბაქსისებრთა ოჯახის უნიკალური ხე – ბაობაბი გააცნო,გამოჩენილი ფრანგი ბუნებისმეტყველი და მოგზაური – მიშელ ადანსონი (1727-1806 წლები) გახლდათ.

ავსტრალიის დიდმა ინგლისელმა მკვლევარმა - მეტიუ ფლინდერსმა (1774-1814 წლები),რომელმაც პირველმა დაადგინა,რომ „ახალი ჰოლანდია” (ასე მოიხსენიებდნენ იმ პერიოდში ავსტრალიას) ერთიანი,დამოუკიდებელი მატერიკია,გახლავთ ის ადამიანი,ვინც პირველმა წამოაყენა საკითხი იმის შესახებ,რომ აღნიშნულ მატერიკს ახალი ჰოლანდიის ნაცვლად,როგორც უწინ მას ნიდერლანდელებმა უწოდეს – ავსტრალია დარქმეოდა.

1835 წელს მდიდარი ქართველი ვაჭრის – იაკობ ზუბალაშვილის შეკვეთით შვეიცარიელმა ძმებმა (არქიტექტორებმა) – ჯოვანი და ჯუზეპე ბერნარდოცებმა თბილისში კლასიცისტურ სტილში ააგეს ნაგებობა,რომელშიც თავდაპირველად სასტუმრო იქნა განთავსებული,ხოლო მოგვიანებით კი „თბილისის სასულიერო სემინარია”.