„ – ჩვენ, ქართველებმა თუ არ ჩავიგდეთ ხელში ჩვენივე ქვეყნის მართვა-გამგეობა, მალე საკუთარ სამშობლოში სტუმრებს დავემსგავსებით. მაგრამ სამწუხაროდ, ეს ყველას არ ესმის,

„ – მიწა ფულით არ იყიდება, შე უპატრონო, სისხლით და ოფლით უნდა მიწას შოვნა”.

„სიყალბეც ბევრჯერ ისე გულწრფელ სამოსშია გახვეული, როგორც სიმართლე!.. ასე რომ არ იყოს, განა, ამქვეყნად ვინმე მოტყუვდებოდა?!”

„ღმერთი კი უნდა იწამოს კაცმა, ნამდვილად უნდა იწამოს. საბოლოოდ დავრწმუნდი იმაში, რომ ყველაზე დიდი ღმერთი სიკეთეა, რომელიც კაცს მაგრად ჩასჭიდებს ხელს, ავ ზნეს მოაშორებს და ამ ქვეყანაზე პატიოსან ადამიანად ატარებს. ასეთ ღმერთს სანთლის დანთება კი არ უნდა, ასეთი ღმერთისთვის შენ თვითონ უნდა იწვოდე”.

„დედა ადამიანისათვის არა მხოლოდ ხორცშესხმული არსებაა, არამედ გაუცნობიერებელი მისწრაფება, რომელიც უსაზღვრო ნუგეშს გპირდება”.

„ – გადავეჩვიეთ ერთმანეთის მოფერებას და პატივისცემას ადამიანები, ჩემო ვარდენ. არ ვიცი, რამ მოიტანა ეს ამბავი, მარა, ძალიან გავუტურამგელდით ერთმანეთს.

„წუთისოფლის აღმა-დაღმა ბრუნვას ისე უნდა ააყოლო ტანი, რომ ზვირთს ქვეშ არ მოექცე”. – (ხიფათი)

„დიახ, ძნელია ამქვეყნად ცხოვრება, ყველაფერი კბილით უნდა გაიტანო…”

„ – უცბად კი გადის დრო, შვილო, მაგრამ რამდენი რამ იცვლება ამ სიუცბათეში?!”

„სიცოცხლე ყველაზე დიდი განძია, მაგრამ არაფერი ისე არ დაგაბეჩავებს, როგორც მისი მონური სიყვარული”.