„ – ყველაფერს რომ ბედი დავარქვათ და ბედით ავხსნათ, მაშინ ყოველგვარი ბოროტების გამართლება შეიძლება ქვეყანაზე. ბედიაო იტყვი და, რასაც გინდა გააკეთებ. ასე როგორ შეიძლება?”

„მეხუთე მცნება გვარიგებს, – არა კაც ჰკლა! ჩვენ დიდებულად შევისმინეთ რა ეს მოძღვრება, თუ ჯოხითა და ხმლით ვერ ვახერხებთ მოძმის მოკვდინებას, ენით ვაკეთებთ ამას”.

„როცა კაცს სახლი ეწვება, იმის შეკითხვებით კი არ უნდა შეაწუხოთ, როგორ და რა ვითარებაში გაუჩნდა ხანძარი შენობას, არამედ, სხვა რამ ჭურჭელი თუ არა გაქვთ, პეშვით მაინც მიასხათ წყალი ხანძარს”.

„ – სადა ჰყავს, ისედაც სისხლისგან დაცლილ, ჩვენს სამშობლოს სხვა ქვეყნებში დასაფანტი ადამიანები”.

„ქვეყნად ბევრი რამ უნდა გქონდეთ გაკეთებული, რომ თავი აიღოთ და სხვას მაღლიდან დახედოთ!”

„სანამ ყოველი ქვეყნის ხალხი საკუთარ მიჯნებში არ დამაგრებულა, საშველი არ დაადგება კაცთ ბედნიერებას”.

„პოლიტიკაში პატიოსნება მხოლოდ ნიღაბი შეიძლება იყოს”.

„იმრუშონ და იმამაძაღლონ დიდკაცებმა, მაგას აიტანს ერის ზნეობა, მთავარია, გლეხის სინდის-ნამუსის საფუძველი არ შეირყეს”.