„ – ბაბუაჩემი მეტყოდა ხოლმე: შვილმა როგორც უნდა გაგაბრაზოს, ბაბუა, მის გასალახად მეზობელს არ დაუძახო.

„ – ჩემთვის, ბიძია, ყველა დონე ერთია. ჩემი ყურის ახევა ყველას შეუძლია. დაგავალებენ რაცხა სისულელეს და მერე ისევ ისინი მოგთხოვენ პასუხს. რას იტყვიან იცი? ჩვენ, კი მართალია, დაგავალეთ, მაგრამ შენ არ უნდა გექნაო”. – (ცისარტყელა)

„კაცი მილიონი ღირდა, ახლა გახვრეტილ შაურად არ ფასობს”.

„სოფელს თავისი ადათ-ჩვეულება აქვს. მისი ადვილად და უმტკივნეულოდ შეცვლა თვით ცხოვრების აუცილებელ მოთხოვნასაც არ შეუძლია”.

„საცოდაობაა პატარა კაცის დიდი ნაღველი!”

„ქვეყანაზე არიან ისეთი ასპიტები, უბეში რომ გამოზრდი და მერე შენვე გკბენენ. ზოგ მათხოვარს ცხენზე შესვამ და ყველაზე პირველი ის გადაგთელავს”.

„სიბრალული ზოგიერთი ადამიანისგან მომწამვლელი და შეურაცხმყოფელი მოწყალებაა.

„არ არის ხერხი იმისთანა, რომ კაცს შეეძლოს სულის თვისებების ამოკითხვა პირის-სახეზედ”.

„ადამიანები ეგეთნი ვართ, არ გვიყვარს, როცა ვინმე შეგვიცოდებს ხოლმე. არც ის ამბავი გვესიამოვნება, რომ ვიღაცამ ეს-ეს არის მოისმინა თავშესაქცევი ნაამბობი ჩვენი სულელური საქციელის შესახებ”.

„მატყუარები, როგორც წესი, გამჭრიახი ადამიანები არიან და ცხოვრებაში უფრო მეტს აღწევენ, ვიდრე წესიერი ხალხი”.