„არაფერი არ არის ადამიანისთვის სულიერ ქვესკნელზე უფრო მდაბალი და სახიფათო!”

„არიან ადამიანები, რომელთაც სამოსი მხოლოდ ტანის სიშიშვლის დასაფარავი ჰგონიათ! მათ რა იციან, რომ ზოგი სწორედ ჩაცმით „შიშვლდება!” თავის სულიერ სიღატაკეს ამჟღავნებს”.

„ყოველგვარი საუბარი, კამათი, პოლემიკა იმავე წუთს კარგავს აზრს, რა წუთსაც მოკამათენი გადიან საკამათო სფეროდან და ერთმანეთის პიროვნულ წყენინებას ერთგვარი არგუმენტაციის დატვირთვას აძლევენ”.

„ძველ ებრაულ ენაში სიტყვა „ცოდვას” მშვენიერი განმარტება აქვს და „მიზანდაკარგულს” ნიშნავს. ცოდვილი ის არის, ვისაც გზა აებნა, ვინც დაკარგა მიზანი”.

„არავინ ებრძვის საკუთარ თავს და ხალხისთვის თავდადებულ ადამიანებს ისე სიამოვნებით, როგორც თვითონ ხალხი”.