“ქართული მიწა ქართველი ხალხისთვის მხოლოდ ნივთიერი ღირებულება არ არის,იგი მთელი წარსულის სიმბოლოს და მთელი მომავლის საყრდენს წარმოადგენს.ვფიქრობ,ოცი საუკუნის განმავლობაში ქართული მიწისთვის დაღვრილი სისხლი რომ შეგვეგროვებინა,დიდხანს გვეყოფოდა მისი უწყლო ველების სარწყავად.

“სასტიკად ცდებით,თუ ფიქრობთ,რომ სიკვდილის შანთით ამოსწვავთ და ამოძირკვავთ თქვენი უსამართლობისა და უკეთურების მამხილებელთ.ცუდი ხერხი აგირჩევიათ თავდასაცავად,ცუდი და არასაიმედო,ხოლო თუ გნებავთ,მე გასწავლით ყველაზე სანდო და მარტივ ხერხს: სხვას კი ნუ სჩრით პირში ბურთს,ეცადეთ თავად გახდეთ უკეთესნი”.

“ბუნებაში ერთპიროვნულად ბატონობს მხოლოდ ძალა.ცხოველთა სამყარო,ადამიანთა საზოგადოება,თვით ნეტარი ღმერთების დასი – ყველაფერი მხოლოდ ძალის წინაშე იხრის ქედს,ძალას ემონება და ემორჩილება.რატომაა ლომი ცხოველთა მეფე,

“ადამიანის მთელი სიცოცხლე,დაბადებიდან სიკვდილამდე,ბედნიერებისაკენ სწრაფვაა.ყველას სურს ბედნიერი იყოს, და არ არსებობს უფრო მძაფრი,უფრო უძღები სურვილი; ყველანი ვირჩევთ მხოლოდ იმ გზას,რომელიც,ჩვენის აზრით,ბედნიერებისაკენ მიგვიძღვის და ხალისით აღვსილთ საგზლად მიგვაქვს ერთადერთი საზრდო – იმედი.

 ”როდესაც ჟამთასვლას ახალი გზა გაჰყავს და დედამიწის ზედაპირს ახალი ნაოჭი დააჩნდება,მაშინ ძველი გზები,როგორც პირისახის ძველი ნაოჭები,კარგავენ თავის წინანდელ მოხაზულობას – დედამიწის ქვეყნებს შორის ისტორიის მიერ გაყვანილი გზები სასწაულებრივ ცვლილებას განიცდიან.