„არიან ისეთები, რომლებსაც მართლმსაჯულება ძალიან ადრე სჯის და ისეთებიც, რომელთაც გვიან მოეკითხებათ ხოლმე”.

„ღმერთს არ გაუჩენია ჯერ იმისთანა ჭკვიანი კაცი, რომ ამავე დროს არ გაეჩინოს უფრო ჭკვიანი და გონიერი დედაკაცი, რომელსაც არ შესძლებოდეს მისი ყურით თრევა”.

„ზოგჯერ ისე გამოატვინებს ხოლმე ღარიბ კაცს გაჭირვება, რომ მადლობასაც კი არ უხდის კეთილისმყოფელს”.

„რა იცი შენ, ადამიანო, რაა ტკივილი, სანამ საკუთარ თავზე არ გამოცდი”.

„ქართველი კაცის ერთი ნაკლი ისიც არის, რომ ნიადაგ მსოფლიო პრობლემებზე უყვარს ბაასი და თავისი დარდი ჭიშკრამდეც არ მიჰყვება.

„ – ბაბუაჩემი მეტყოდა ხოლმე: შვილმა როგორც უნდა გაგაბრაზოს, ბაბუა, მის გასალახად მეზობელს არ დაუძახო.

„ – ჩემთვის, ბიძია, ყველა დონე ერთია. ჩემი ყურის ახევა ყველას შეუძლია. დაგავალებენ რაცხა სისულელეს და მერე ისევ ისინი მოგთხოვენ პასუხს. რას იტყვიან იცი? ჩვენ, კი მართალია, დაგავალეთ, მაგრამ შენ არ უნდა გექნაო”. – (ცისარტყელა)

„კაცი მილიონი ღირდა, ახლა გახვრეტილ შაურად არ ფასობს”.

„სოფელს თავისი ადათ-ჩვეულება აქვს. მისი ადვილად და უმტკივნეულოდ შეცვლა თვით ცხოვრების აუცილებელ მოთხოვნასაც არ შეუძლია”.