„ღიმილზე ასჯერ მძიმეა ცრემლი…”

„წლებს თავისი მიაქვს, მაგრამ წლებზე მეტად ჩვენ, ადამიანები ვაბერებთ ერთმანეთს”.

„გადმოგდებული წყალობა რა ასალოკია?!”

„სჩვევია გაზაფხულს: დიდხანს მალავს ხოლმე თავს”.

„სინამდვილე – ჭკუის უდიდესი მასწავლებელია”.

„ზოგჯერ ადამიანი ერთ დღეში ისწავლის იმას, რაც თვეებისა და წლების განმავლობაში ვერ ისწავლა”.

„არიან ჭკუისკოლოფი ქალები, რომლებიც იმ თვალიდან ვერ ხედავენ, რომელმაც ცუდი უნდა შეამჩნიოს”.

„სასაცილოა, როგორ ლაპარაკობენ ადამიანები მომავალზე, გეგონება, ხელში უჭირავთო, თითქოს შეეძლოთ თავის ნებაზე, მიმდინარე მომენტის შესაბამისად თუ სურთ, მოაახლოონ და თუ სურთ – შეაფერხონ ამ მომავლის დადგომა”.

„დარდი საქმეს არ შველისო, ამბობენ უდარდელნი. სანამდე ვართ, დრო ვატაროთო, თავში ხელის ცემა და ქოჩრის გლეჯა რას მოგვცემს, რას გვისაშველებსო.

„ყველამ იცის, რაა დღეს მისთვის აუცილებელი, იქნებ ისიც – რაც ხვალ და ზეგ. უფრო ჭკვიანებმა – რაც ერთი წლის შემდეგ და კიდევ უფრო წინდახედულებმა – რაც სიცოცხლის ბოლომდე”.