„წარბს კი არადა, კაცის ენას აღარ დაეჯერება დღეს”.

„ჯერ კაცი არ მინახავს, ღმერთს ემდუროდეს, უჭკუო ან სულელი რად გამაჩინეო!”

„ნეტავ, ისეთი დრო დადგებოდეს, ქართველ კაცს იმაზე კი არ დაეჩივლოს, ოდესღაც დიდი ყოფილა საქართველოო, არამედ სიმაყით წარმოეთქვას, ივერთა მხარე ასეთი დიდი არასოდეს ყოფილაო”.

„მგელს რომ ჰკითხო, იმისი აზრით ცხვრისთვის მწყემსი სულაც არ არი საჭირო”.

„განათლება მარტო მაშინ არის კარგი და მხოლოდ იმისთანა განათლება არის კარგი, რომელიც კაცს ყოველის მხრით აღამაღლებს და გააკეთილშობილებს…”

„არაფერი არ არის ადამიანისთვის სულიერ ქვესკნელზე უფრო მდაბალი და სახიფათო!”

„არიან ადამიანები, რომელთაც სამოსი მხოლოდ ტანის სიშიშვლის დასაფარავი ჰგონიათ! მათ რა იციან, რომ ზოგი სწორედ ჩაცმით „შიშვლდება!” თავის სულიერ სიღატაკეს ამჟღავნებს”.

„ყოველგვარი საუბარი, კამათი, პოლემიკა იმავე წუთს კარგავს აზრს, რა წუთსაც მოკამათენი გადიან საკამათო სფეროდან და ერთმანეთის პიროვნულ წყენინებას ერთგვარი არგუმენტაციის დატვირთვას აძლევენ”.

„არავინ ებრძვის საკუთარ თავს და ხალხისთვის თავდადებულ ადამიანებს ისე სიამოვნებით, როგორც თვითონ ხალხი”.

„ჩვენ იმ ადამიანებზეც კი ძალზე ცოტა რამ ვიცით, ვისაც ახლოს ვიცნობთ”.