„სინამდვილეს თვალის გასწორება უნდა, ეს უკვე აუცილებლობა არის”.

„რაც უნდა მცირე გქონდეს, მოშურნე მაინც გამოგიჩნდება”.

„იმედი რა დასაკარგია?!”

„ხმა თუ არ გასჭრის, რა ამოსაღებია?!”

„ვინ იცის, რა არის კარგი, ზოგს ასე ჰგონია, ზოგს ისე, ყველა თავისთვის მართალია, ერთიმეორისათვის – მტყუანი;

„დაუდასტურებელი სიტყვა ქარია ან ისიც არ არის…”

„ეგრე რო იყვეს, რაღა უჭირს კაცს, კარგი ახსომდებოდეს, ცუდი ავიწყდებოდეს”.

„არიან ეგეთნი, სხვისი ღვაწლი ჩირადაც არ უღირთ”.

„დრო არ უნდა დაჰკარგოს ადამიანმა, დროს დაკარგვა სიცოცხლის დაკარგვას უდრის”.

„მამაკაცი წინ, ქალი უკან, წინათ ამ ფათერაკებიან ქვეყანაში ასე უვლიათ, ვაჟკაცი უთუოდ წინ გავიდოდა, ავთა და ბოროტთა, ფათერაკთა შესაგებებლად, წინ ივლიდა.