1. სახელოვანმა რუსმა ლიტერატორმა – ივანე ტურგენევმა გენიალურ თანამემამულე მწერალს – თედორე დოსტოევსკის – „რუსი მარკიზ დე სადი” უწოდა.

1. ჩვეულებრივ ჰაერში – ნახშირორჟანგის შემადგენლობა დაახლოებით 0,03 პროცენტს შეადგენს, ესე იგი, ყოველ 100 კილოგრამ ჰაერში 30 გრამი ნახშირორჟანგია.

1. გენიალურმა ძველ ბერძენმა მათემატიკოსმა, ფიზიკოსმა და ინჟინერმა – არქიმედემ, დასმულ შეკითხვაზე, თუ ვინ იყო მისი ყველაზე ერთგული მეგობარი, შემდეგი პასუხი გასცა: „მათემატიკა”.

1. დანიის სამეფოს შემადგელობაში, გარდა თავად დანიისა, გრენლანდია და ფარერის კუნძულებიც შედიან, თუმცა იმავე დანიისაგან განსხვავებით, არც გრენლანდია და არც ფარერის კუნძულები ევროკავშირში გაწევრიანებული არ არიან.

1. როდესაც ბუდას უთხრეს, მთელი თავისი სწავლება ერთ სიტყვაში მოექცია, მან წარმოთქვა სიტყვა: „ცნობიერება”.

1. გენიალური ფრანგი მოქანდაკის – ოგიუსტ როდენის მრავალრიცხოვანი საყვარლების შესახებ ლეგენდები დადიოდა პარიზში. ბოროტი ენები იმასაც კი ამბობდნენ, ხელოვანი სექსუალური მანიაკია და საკუთარი სახელოსნო ჰარემად აქვს გადაქცეულიო.

1. კაცობრიობის ისტორიაში ერთ-ერთი უდიდესი ჩინელი ფილოსოფოსი – კონფუცი ირწმუნებოდა, რომ თავაზიანობა ყველა პროფესიის ადამიანისთვის აუცილებელი თვისება უნდა იყოს, მაგრამ განსაკუთრებით, თავაზიანობით, სახელმწიფო სამსახურში დასაქმებული ხალხი უნდა გამოირჩეოდნენო.

1. პოლონური წარმომავლობის მქონე ინგლისური ლიტერატურის კლასიკოსმა, ერთ-ერთმა უდიდესმა ინგლისურენოვანმა რომანისტმა და სტილისტმა – ჯოზეფ კონრადმა (იუზეფ კოჟენიოვსკიმ), რაოდენ საკვირველიც არ უნდა იყოს, ინგლისური ენა 20 წლის ასაკამდე თითქმის არ იცოდა.

1. რომის ტირანი იმპერატორი – დომიციანე, თავისი მმართველობის დასასრულს – უწესო ცხოვრებამ, მუდმივმა შიშებმა და ადამიანისადმი სადისტურმა სიძულვილმა, ფიზიკურად და სულიერად სავსებით გაანადგურა.

1. აფრიკის ცხელ კონტინენტზე მობინადრე ზულუს ხალხი იმთავითვე დიდ პატივს სცემდა ხელოსნებს. ამ საქმეში განსაკუთრებით დახელოვნებულ ოსტატებს ისინი – „ინიანგის” წოდებას ანიჭებდნენ, რაც თავის მხრივ, ისეთივე საპატიო წოდებად იყო მიჩნეული, როგორც ჩვენში – აკადემიკოსის წოდებაა.