1. რუსეთის იმპერატორის – ეკატერინე II-ის მრავალრიცხოვან საყვარლებს შორის (ჩერნიშოვი,სალტიკოვი,პონიატოვსკი,ორლოვი,პოტიომკინი,ზუბოვი,მამინოვი და სხვები) მხოლოდ ერთადერთი იყო უცხოელი,თუმცა ისიც სლავური წარმომავლობის მქონე სერბი – სემიონ ზორიჩი (1745-1799 წლები).

1. რომის პაპს 1292-1303 წლებში – ბონიფაციუს VIII-ს საფრანგეთის მეფის – ფილიპე IV ლამაზის სასტიკი თვისებებით სახელგანთქმულმა მრჩეველმა და სახელმწიფო ბეჭდის მცველმა – გიიომ დე ნოგარემ (1260-1313 წლები) არა მხოლოდ სიტყვიერი შეურაცხყოფა მიაყენა,

1. ადრეულ პერიოდებში მეზღვაურებს ჩვეულებად ჰქონდათ ეკვატორის (წარმოსახვითი გადაკვეთის ხაზი დედამიწის ზედაპირის სიბრტყეზე) გადალახვის დროს გემბანიდან წყალში გადაეგდოთ ყველა,ვისაც მანამდე ეკვატორი არ გაევლო.აღნიშნულ ჩვეულებას,ისინი – “ნათლობას” უწოდებდნენ.

1. თანამედროვე ჩინეთის სახალხო რესპუბლიკის ერთ-ერთი უდიდესი ქალაქი – შანხაი, 1849-1946 წლებში საფრანგეთის მმართველობის ქვეშ იმყოფებოდა და მოიხსენიებოდა,როგორც – “შანხაის ფრანგული კონცესია”.

1. ურნანსეს დინასტიის მეხუთე შუმერი მმართველის (ლაგაშის მეფის) – ენთემენას (მმართველობის პერიოდი დაახლოებით ძვ.წ.აღ-ით 2360-2340 წლები) არქივის მწერლის მიერ შედგენილ დოკუმენტში,კაცობრიობის ისტორიაში პირველად არის მოხსენიებული სიტყვა – “თავისუფლება”.შუმერულ ენაზე ეს ულამაზესი სიტყვა გამოითქმებოდა,როგორც – “ამარგი”.

1. როგორც ცნობილია,ადოლფ ჰიტლერი დასცინოდა ყოველგვარ სამართალს,მართლმსაჯულებასა და სასამართლო პროცედურებს.”მართალია ის,ვინც იმარჯვებს”, – ასეთი იყო მისი დევიზი.

1. სიკვდილით დასასჯელ ამაზრზენ მოწყობილობას – “გილიოტინას”,ფრანგი ხალხი,ქვეყანაში განვითარებული საფრანგეთის დიდი რევოლუციის პერიოდში – “ეროვნულ სამართებელს” უწოდებდა.

1. როგორც ცნობილია,”წითელი იმპერიის” ზეობის ხანაში – რწმენის,მართლმადიდებლური ეკლესიისა და სამღვდელოების წინააღმდეგ სასტიკი ბრძოლა მიმდინარეობდა.საქართველოში პატრიარქად გახდომას კი განსაკუთრებული გამბედაობა სჭირდებოდა.სწორედ ამიტომ იწყებდნენ ამ მძიმე და საპატიო ადგილზე ღვთისმსახურებას უწმინდესნი და უნეტარესნი შემდეგი სიტყევბით: “დღეს მე ავდივარ გოლგოთაზე”.

1. იაპონიაში მოქმედი კანონმდებლობის თანახმად,იმ შემთხვევაში თუკი სასოწარკვეთილი ადამიანი მატარებელს ჩაუვარდება და ამ მეთოდით დაასრულებს სიცოცხლეს,რკინიგზის მმართველ კომპანიას უფლება აქვს თვითმკვლელის ოჯახის წინააღმდეგ სასამართლოში სარჩელი შეიტანოს და მისგან ის თანხა გამოითხოვოს,რაც კომპანიას ამ ამაზრზენი ფაქტის ადგილას წარმოებულ გაწმენდით სამუშაოებზე ესაჭიროება.

1. ლოცვების წასაკითხად საგანგებოდ დაქირავებულ ადამიანებს – “მავედრებლებს” უწოდებდნენ.