Category Archives: იცით თუ არა,რომ

იცით თუ არა,რომ

1. „პოლარული ქვეყნების ნაპოლეონად” წოდებულმა სახელგანთქმულმა ნორვეგიელმა პოლარეთის მკვლევარმა – რაულ ამუნდსენმა,მის მიერ სამხრეთ პოლუსზე დადგმულ პირველ საცხოვრებელს (კარავს) – „პოლხეიმი” ანუ „პოლარული ბინა” უწოდა.

იცით თუ არა,რომ

1. ქრისტიანულ რელიგიაში მატერიალური კეთილდღეობისა და ფინანსური ოპერაციების მფარველ წმინდანად ადრეული ეკლესიის ერთ-ერთი გამოჩენილი მოღვაწე და ნიკეის პირველი საეკლესიო კრების მონაწილე, „საკვირველმოქმედად” წოდებული წმინდა მამა – სპირიდონ ტრიმიფუნტელი მიიჩნევა.

იცით თუ არა,რომ

1. საფრანგეთის დიდი რევოლუციის ერთ-ერთი ფუძემდებელი ფრანგი ადვოკატი – კამილ დემულენი (1760-1794 წლები),რომელიც ბრწყინვალე ორატორული ხელოვნების ნიჭით იყო დაჯილდოვებული,გენიალური ძველ ბერძენი მჭერმეტყველის – დემოსთენეს მსგავსად – ენაბრგვილი გახლდათ.

იცით თუ არა,რომ

1. როგორც ცნობილია,ესპანეთის მეფემ – ფილიპე V-მ უამრავი ფული და ჯაფა შეალია სამეფო სასახლის ბაღში დიდებული შადრევნების მშენებლობას. და როდესაც შადრევნებმა პირველად იფეთქეს,მონარქმა ერთმნიშვნელოვნად შენიშნა: „ეს შადრევნები ხუთი მილიონი დამიჯდა და თავიც ხუთი წუთით შემაქცევინესო”.

იცით თუ არა,რომ

1. „ჩემთვის საუკეთესო სამსახური,საროსკიპოს მეპატრონეობა იქნებოდა.ვფიქრობ,ეს ადგილი ხელოვანისათვის მისწრებააო”. – ასე განუცხადა დიდმა ნობელიანტმა ამერიკელმა მწერალმა – უილიამ ფოლკნერმა ერთ-ერთი ინტერვიუს მიმდინარეობის დროს ჟურნალისტ – ჯინ სტაინს.

იცით თუ არა,რომ

1. „თუ მოციქული არა იყავ,პირველად ენისა აღმოკუეთა იყო შენი სამართალი და მერმეღა თავისა,კადნიერად კადრებისათვის”. – ამ სიტყვებით მიმართა თამარ მეფის შეურაცხმყოფელ რუქნადინის ელჩს საქართველოს დიდმა მხედართმთავარმა და მამულიშვილმა – ზაქარია II მხარგრძელმა მას შემდეგ,რაც „უხეთქა ხელითა პირსა და ვითარცა მკუდარი დასცა და იდვა იგი”.

იცით თუ არა,რომ

1. საფრანგეთის „მეფე-მზედ” წოდებული მონარქი – ლუი XIV დე ბურბონი,რომელიც უხვად ასაჩუქრებდა მისდამი ლოიალურად განწყობილ დიდგვაროვნებს,იმისათვის,რომ ერთგული ქვეშევრდომების გული კიდევ უფრო მოეგო,მათთვის ერთობ უჩვეულო თანამდობებს იგონებდა.მაგალითად,ერთ-ერთ დიდებულს მეფის ოჯახის მცველის პოსტი ეკავა,მეორეს – მეფის პარიკის მცველისა,მესამეს – მეფის ხელჯოხის მცველის,მეოთხეს – მეფის ღამის ქოთნის მეთვალყურის და ასე შემდეგ…

იცით თუ არა,რომ

1. იმის აღსანიშნავად,რომ იტალიური ქალაქი – სიენა ერთობ სტუმართმოყვარე ქალაქი იყო, XIII საუკუნეში ქალაქის ხელისუფლების ინიციატივით მთავარ კარიბჭეზე გაკეთებული იქნა შემდეგი სახის წარწერა: „სიენა ამ ჭიშკარზე უფრო ფართოდ გაგიხსნით გულს”.

იცით თუ არა,რომ

1. სანდო ისტორიულ წყაროებზე დაყრდნობით ირკვევა,რომ თამარ მეფის ვაჟის – გიორგი IV ლაშას მმართველობის დასაწყისში მთლიანი საქართველოს სახელმწიფოს მოსახლეობა (ნიკოფსიიდან დარუბანდამდე და ოვსეთიდან არეგაწამდე) 8 მილიონზე მეტს შეადგენდა,ხოლო საკუთრივ საქართველოსი კი – ხუთნახევარი მილიონი იყო.

იცით თუ არა,რომ

1. მეორე მსოფლიო ომის მიმიდინარეობისას,გერმანელ ნაცისტებს ბელორუსიის სოფელ ხატინთან ახლოს გამართული ჰქონდათ ბავშთა საკონცენტრაციო ბანაკი.აღნიშნულ ბანაკში მყოფ პატარებს,სხვა საკონცენტრაციო ბანაკების ტყვეებისაგან განსხვავებით,