„დიახ, დიდებული საიდუმლოა – სიკვდილი! არა უწყოდე არცა დღე, არცა ჟამი – აი რანაირი საიდუმლოა ეს!”

„ამქვეყნად ყველაფერზე შეიძლება ილაპარაკო ცხარედ, გატაცებით, მაგრამ მადიანად მხოლოდ საკუთარ თავზე ლაპარაკობს ადამიანი”.

„ცხოვრება კი თავისი გზით მიდის. მას არც მეფისათვის სცალია და არც ხალხისათვის, ვინაიდან თავისი გარდაუვალი კანონები აქვს და, სურს თუ არ სურს, მხოლოდ იმ კანონების ნებასა და სურვილს უნდა მისდიოს”. – (ადამიანის მორჩილი ზღვა)

„ყველაფრის მიღწევას უნდა ცდილობდეს ადამიანი: იქნებ და ხვდეს წილად რამე”.

„რატომ გვწყურია ასე სიცოცხლე? სიცოცხლე ხომ თამაშია, რომელშიაც ადამიანი ვერასოდეს იმარჯვებს.

„დედამიწის ზურგზე ჯერ კაცი არ დაბადებულა, ვინც თავისი თავის ნამდვილი ფასი არ იცოდეს”. – (ვერცხლის აბლაბუდა)

„ასი წელი არაფერი ბედენაა კაცისათვის. საუკუნეს უკან რომ მოიტოვებ და მოიხედავ, იმდენ კარგს დაინახავ ამქვეყნად, დაგენანება საწუთროს დათმობა. ასეა კაცი, ცუდს ივიწყებს, კარგს იმახსოვრებს და ამით იდიდებს სამზეოზე ყოფნის ჟამს, თორემ?..” – (უკანასკნელი მარულა)

„თუ გსურს იბატონო, კიდეც უნდა დასაჯო”.

„ჯოჯოხეთის დანტესეული სურათები მკრთალდებიან ახალი ჯოჯოხეთის – ოსვენციმის სურათების წინაშე”.