„როგორც სჩანს, სიავე ისევე შეუმუსრავი ყოფილა ამქვეყნად, როგორც სიცოცხლე თავათ”.

„შეიძლება უფრო ნათელი იყოს მომავალი საუკუნეები, მაგრამ ჯერჯერობით ძლიერი ისწრაფის სუსტს ყელი გადაუღრღნას”.

„რა მცირე რამ კმარა ბალღის გასახარებლად ამქვეყნად და რა გაუმაძღარია გონმოსულის გული!”

„სიარული ყველაფერს ცვეთს, გზასაც კი, დაუსრულებელი რომ არის, იმ გზასაც კი!”

„დამერწმუნეთ: თავის წაგებაზე ადვილი ამ ცხოვრებაში არა არის რა!”

„ზოგჯერ ბედი შიგ გულში დაგიტრიალებს დანას და თუ გადარჩი, წამოდექი და გასწი. საყვედური ნუ წამოგცდება. პირიქით, ღმერთს მადლობა უთხარი, რომ წამოდგომის უნარი მოგცა”.

„ბრბო რეგვენია… მოგკლავენ, როგორც ეშმას და მერე… გიგლოვებენ, როგორც უცოდველს!”