1. სიკვდილის სარეცელზე მყოფმა გენიალურმა ძველ რომაელმა პოეტმა – ვერგილიუსმა ანდერძად დაიბარა,რომ მისი უკვდავი პატრიოტული ეპოსი – „ენეიდა” ავტორის აღსასრულის შემდეგ არ გამოექვეყნებინათ,რადგან იგი ნაწარმოებს დასრულებულად არ მიიჩნევდა.

1. გერმანიის იმპერიის ლეგენდარულ დამაარსებელსა და პირველ რაიხსკანცლერს – ოტო ფონ ბისმარკს თავისი ცხოვრების განმავლობაში ოცდაათამდე დუელში ჰქონდა მონაწილეობა მიღებული და ამ მოვლენებს ყოველდღიურად ახსენებდა მის სახეზე არსებული იარა,რომელიც ერთ-ერთი დუელის დროს მიიღო.

1. 1167 წელს ინგლისის ხელისუფლებამ გამოსცა ბრძანებულება,რომლის თანახმადაც ინგლისის მოქალაქეებს კატეგორიულად ეკრძალებოდათ პარიზში სწავლა.აღნიშნულმა ბრძანებულებამ თავის მხრივ,სორბონის უნივერსიტეტიდან ინგლისელი სტუდენტების ოქსფორდის უნივერსიტეტში მასობრივი გადინება გამოიწვია.

1. საფრანგეთის ცბიერი და სასტიკი მეფე ვალუათა დინასტიიდან – ლუი XI, არა მხოლოდ უჩვეულოდ პატარა თვალებით, არამედ უზარმაზარი ცხვირითაც გამოირჩეოდა. იმისათვის, რომ ეს ფიზიკური ნაკლი როგორმე დაემალათ, მხატვრები მეფის პორტრეტებს პროფილში ძალიან იშვიათად ხატავდნენ.

1. გენიალურ იტალიელ პოლიტიკურ მოაზროვნესა და იტალიის გაერთიანების ერთ-ერთ მაცნეს – ნიკოლო მაკიაველს ყველა ფლორენციელისათვის დამახასიათებელი თვისება გააჩნდა: უყვარდა სიტყვის შებრუნება,პროვოცირება და თავის გამოჩენა,რისთვისაც მუდამ ჩვეულ სხარტ იუმორს მიმართავდა.

1. იმ შემთხვევაში,თუკი პაკისტანის ისლამურ რესპუბლიკაში მოსწავლე გაკვეთილზე დააგვიანებს,სასჯელის სახით მას სრული 8 საათის განმავლობაში მუსულმანთა წმინდა წიგნის – „ყურანის” წაკითხვა ეკისრება.

1. პირველი სახელმწიფო მსოფლიოში,სადაც 1979 წელს კანონით იქნა აკრძალული ბავშვების ფიზიკური დასჯა,მათ შორის მშობლების მხრიდანაც, – შვედეთის სამეფოა.მოგვიანებით ანალოგიური კანონი მიღებული იქნა კიდევ ოცდაათზე მეტ ქვეყანაში.

1. ქართულ სალიტერატურო ენას საფუძვლად დაედო ეგრეთ წოდებული „ხანმეტური დიალექტი” – ისტორიული ქვემო ქართლის მეტყველება,რომელიც გავრცელებული გახლდათ მცხეთა-ბოლნისის რეგიონებში.

1. „ჩემია ადგილი! მან უნდა მომცეს უზარმაზარი ქონება,უზარმაზარი ქონება!” – დიდი ხნის მანძილზე ერთსა და იმავეს შეშლილივით გაიძახოდა მექრთამეობით სახელგანთქმული ფრანგი დიპლომატი – შარლ მორის დე ტალეირან-პერიგორი,როდესაც შეიტყო,რომ იგი საფრანგეთის საგარეო საქმეთა მინისტრად დანიშნა დირექტორიამ.

1. XIX საუკუნეში სიმბოლო ამპერსანდი (&) ინგლისური ანბანის 27-ე ასოს წარმოადგენდა.