1. ადრეულ პერიოდში ვენახების განსაკუთრებული სიმრავლის გამო თბილისის ერთ-ერთ საუკეთესო უბანს – გლდანს – „პატარა კახეთს” უწოდებდნენ.

1. ქრისტიანთა მასობრივი დევნა რომის იმპერიაში 303 წლის 23 თებერვალს,საზღვრის ღმერთის – ტერმინუსის სადიდებელი დღესასწაულის დღეს დაიწყო.

1. მეფის რუსეთის არმიაში მოქმედი შიდა-განაწესით,ურჩ ჯარისკაცებს მორჩილი ჯარისკაცების მწყობრში ატარებდნენ,რა დროსაც შიშველ ტანზე უმოწყალოდ სცემდნენ წყალში დამბალი ტირიფის წკეპლებით.ასეთი სახით ურჩი ჯარისკაცების დასჯას – „მწვანე ქუჩაზე გავლად” მოიხსენიებდნენ „ხატოვნად” მეთაურები.

1. საინტერესოა ის გარემოება,რომ ქრისტიანული ლიტერატურის პირველი ლათინური ნაწერები გამოჩნდნენ არა რომში და, საერთოდ,არა იტალიაში,არამედ ჩრდილოეთ აფრიკაში.

1. რომაული ლიტერატურის ნოვატორად აღიარებული გამოჩენილი რომაელი სახელმწიფო მოღვაწე და მწერალი – მარკუს პორციუს კატონი (უფროსი) მის მფლობელობაში არსებულ ცხოველთა შესანახად გასაოცარ ჰიგიენურ პირობებს ჰქმნიდა, და ეს მაშინ,

1. თანამედროვე ირანის დასავლეთით ძვ.წ.აღ-ით VII-VI საუკუნეებში არსებულ უძველეს სახელმწიფო – მიდიაში,სადაც ძაღლი საღმრთო ცხოველად იყო აღიარებული,გოგონების დიდ ნაწილს მშობლები სახელად – „სპაკო”-ს არქმევდნენ,რაც თარგმანით – „ძაღლს” აღნიშნავდა.

1. რომის კათოლიკური ეკლესიის მიერ ანათემას გადაცემული ჯიუტი  გერმანელი სასულიერო პირი,თეოლოგი და ეკლესიის რეფორმატორი – მარტინ ლუთერი (1483-1546 წლები) „გერმანული სალიტერატურო ენის ხუროთმოძღვრად” არის წოდებული.

1. დანტესის მიერ დუელში დაჭრილ სახელოვან რუს პოეტს – ალექსანდრე პუშკინს პეტერბურგის საუკეთესო ქირურგები – იმპერატორის ლეიბ-მედიკოსი – არენდტი და პროფესორი სალომონი მკურნალობდნენ.ტყვიის შემავალი ხვრელი მუცლის წინა კედელზე იყო განთავსებული.

1. გამოჩენილ დანიელ მეზღაპრეს – ჰანს კრისტიან ანდერსენს სახელმწიფომ 1838 წლიდან მცირეოდენი,თუმცა ყოველწლიური დახმარება დაუნიშნა,რომელსაც იგი – „ჩემს ბაღში ამოზრდილ პურს” უწოდებდა.