1. როგორც ცნობილია,”წითელი იმპერიის” ზეობის ხანაში – რწმენის,მართლმადიდებლური ეკლესიისა და სამღვდელოების წინააღმდეგ სასტიკი ბრძოლა მიმდინარეობდა.საქართველოში პატრიარქად გახდომას კი განსაკუთრებული გამბედაობა სჭირდებოდა.სწორედ ამიტომ იწყებდნენ ამ მძიმე და საპატიო ადგილზე ღვთისმსახურებას უწმინდესნი და უნეტარესნი შემდეგი სიტყევბით: “დღეს მე ავდივარ გოლგოთაზე”.

1. იაპონიაში მოქმედი კანონმდებლობის თანახმად,იმ შემთხვევაში თუკი სასოწარკვეთილი ადამიანი მატარებელს ჩაუვარდება და ამ მეთოდით დაასრულებს სიცოცხლეს,რკინიგზის მმართველ კომპანიას უფლება აქვს თვითმკვლელის ოჯახის წინააღმდეგ სასამართლოში სარჩელი შეიტანოს და მისგან ის თანხა გამოითხოვოს,რაც კომპანიას ამ ამაზრზენი ფაქტის ადგილას წარმოებულ გაწმენდით სამუშაოებზე ესაჭიროება.

1. ლოცვების წასაკითხად საგანგებოდ დაქირავებულ ადამიანებს – “მავედრებლებს” უწოდებდნენ.

1. აშშ-ი,კერძოდ არიზონას შტატის ქალაქ მოუჰეივ ქაუნთიში – საპნის ქურდობაზე დაჭერილი პიროვნება ვალდებულია,მანამ დაიბანოს ხელები მის მიერ მოპარული საპნით,სანამ ის სრულიად არ დაილევა.

1. რუსეთის იმპერიის ხელისუფლების მიერ კატორღაში გადასახლებულები,რომელთაც თავიანთ სახლ-კარში დაბრუნების ყოველგვარი იმედი ჰქონდათ გადაწურული,საკუთარი თავის შესახებ დანანებით ამბობდნენ – “მკვდრები სასაფლაოდან არ ბრუნდებიანო”.

1. უძველეს საბერძნეთში მხოლოდ წყლით კარგად შეზავებულ ღვინოს იყენებდნენ (პროპორციით: სამი წილი წყალი და ერთი წილი ღვინო).ის,ვინც სუფთა ღვინოს სვამდა,ლოთად აღიარებდნენ.ლოთებს კი “ოსტრაკიზმი”,ანუ განდევნა ემუქრებოდათ.

1. დიდი ბრიტანეთის ლეგენდარული პრემიერ-მინისტრის – უინსტონ ჩერჩილის მეუღლის – კლემენტინა ხოზიეს დედა (ანუ სიდედრი) – ლედი ბლან ხოზიე,ალკოჰოლური სასმელების ფანატიკურად მოყვარული ქალი იყო.მას შემდგომ,რაც ლედი ბლან ხოზიეს მეუღლე გარდაეცვალა,თავისი ცხოვრების დიდი ნაწილის გატარება ბანქოს სათამაშო სახლებში დაიწყო

1.  ერთ-ერთი უდიდესი ქართველი მამულიშვილისა და საქართველოს “მეჭურჭლეთუხუცესად” წოდებული – ექვთიმე თაყაიშვილის უმწიკვლო ცხოვრების წესის მაცქერალი პარიზელები გაოცებას ვერ მალავდნენ და მის შესახებ ამბობდნენ – “მდიდარი კაცი,რომელიც ძუნწი სულაც არ არის და მაინც მშიერი კვდებაო!”

1. გერმანიის დემოკრატიულ რესპუბლიკაში ცხოვრებისა და პრუსიის მეცნიერებათა აკადემიაში მოღვაწეობის პერიოდში,გერმანიის ისტორიაში პირველმა ქალმა-კანცლერმა – ანგელა დოროთეა მერკელმა კატეგორიული უარი განუცხადა გერმანიის დემოკრატიული რესპუბლიკის სახელმწიფო უსაფრთხოების სამსახურს – “შტაზს” თანამშრომლობაზე.გარდა ამისა,მან უარი განაცხადა გდრ-ის კომუნისტურ პარტიაში გაწევრიანებაზეც.

1. ჩინეთის სახალხო რესპუბლიკის ხელმძღვანლის – მაო ძედუნის პირადი ექიმის – ლი ცჰიუსის გადმოცემის თანახმად,ჩინური კომუნიზმის ფუძემდებლის უსაყვარლეს აფორიზმს წარმოადგენდა: “ადამიანები ყველაზე ხშირად საკუთარი გრძელი ენის გამო იღუპებიან…”