1. საფრანგეთის არმიის პოლიტიკური და სამხედრო მოღვაწე – ალექსანდრე ფრანსუა მარი დე ბოგარნე (1760-1794 წლები),საფრანგეთის საყოველთაოდ ცნობილი იმპერატორის – ნაპოლეონ I-ის საყვარელი ქალის და შემდგომ მისი მეუღლის – ჟოზეფინას პირველი ქმარი გახლდათ.

1. მზის ენერგიის 19 % ატმოსფეროში იფანტება, 47 % დედამიწაზე ეცემა,ხოლო 34 % კი,კვლავ კოსმოსს უბრუნდება.

1. ჩინეთში,ყველაზე ცნობილი ალკოჰოლური სასმელი გახლვათ 58 გრადუსის მქონე არაყი – “მაოტაი”.აღნიშნული სასმელის დიდი მოყვარულები გახლდნენ ისეთი ცნობილი ჩინელი პოლიტიკური მოღვაწეები,როგორებიც იყვნენ – მაო ძედუნი,დენ სიაპონი,ნჩჟოუ ენლამენი და სხვები.

1. გენიალური იტალიელი პოეტი,მწერალი და ავტორი “ღვთაებრივი კომედიისა” – დანტე ალიგიერი,ცოდნას – “ანგელოზების პურს” უწოდებდა.

1. 1938 წელს ამერიკულმა ყოველკვირეულმა საინფორმაციო ჟურნალმა – ‘TIME”, “წლის ადამიანად” გერმანული ფაშისტური რეჟიმის უმთავრესი შემოქმედი – ადოლფ ჰიტლერი აღიარა.თუმცა აღსანიშნავია ის გარემოება,რომ ერთადერთი წელიწადი და შემთხვევა,როდესაც
“წლის ადამიანი” ჟურნალის გარეკანზე არ იყო გამოსახული,სწორედ 1938 წელი იყო.

1. იალტის ანტიჰიტლერული კოალიციის კონფერენციაზე,რომელიც იმართებოდა 1945 წლის 4 თებერვლიდან 11 თებერვლამდე,ამერიკის შეერთებული შტატების პრეზიდენტმა ფრანკლინ დელანო რუზველტმა იოსებ სტალინს ჰკითხა,თუ ვინ იყო ლავრენტი ბერია,რაზეც საბჭოთა ბელადისაგან მიიღო პასუხი: “ის ჩვენი ქიმერაა!” (ძველბერძნული მითოლოგიის მიხედვით – ქიმერა წარმოადგენდა ცეცხლისმფრქვეველ ურჩხულს).

1. გამოჩენილი რუსი მწერლის – მაქსიმ გორკის მიერ 1930 წლის 15 ნოემბერს გაზეთ “პრავდაში” გამოქვეყნებული სტატიის სათაური – “თუკი მტერი არ ნებდება – მას ანადგურებენ”,სტალინური რეპრესიების დევიზად იქცა.

1. დედამიწაზე სულ რამდენიმე ქვეყანაა,სადაც მიუხედავად დროის ცვალებადობისა,საათის გადაწევა რელიგიური მოტივების გამო მიუღებელია.ასეთი ქვეყნებია – იაპონია,ჩინეთი,სამხრეთ კორეა და შუა აზიაში მდებარე კიდევ ხუთი ქვეყანა.აღნიშნულ ქვეყნებში მყარად არიან დარწმუნებული,რომ “დროსთან თამაში” ადამიანის შესაძლებლობებს აღემატება.

1. გენიალური ავსტრიელი კომპოზიტორის – ვოლფგანგ ამადეუს მოცარტის გარდაცვალებიდან ექვსი წლის შემდეგ,მისი მეუღლე – კონსტანცა დანიელ დიპლომატზე – გეორგ ნიკოლაუს ფონ ნისენონმზე დაქრწინდა.თუმცა ქორწინებიდან სამი წლის შემდეგ კონსტანცას მეორე მეუღლეც გარდაეცვალა.დანიელი დიპლომატის საფლავის ეპიტაფიად კი შემდეგი სიტყვები იქნა გამოყენებული – “ვოლფგანგ ამადეუს მოცარტის ქვრივის ქმარი”.

1. თანამედროვე ბრაზილიის ტერიტორიაზე მდებარე ქალაქი – რიო-დე-ჟანეირო,ისტორიაში ერთადერთი ევროპული დედაქალაქი გახლდათ,რომელიც ევროპის საზღვრებს გარეთ ტერიტორიაზე მდებარეობდა.კერძოდ, 1808-1815 წლებში იგი წარმოადგენდა გაერთიანებული პორტუგალიის სამეფოს დედაქალაქს.