შეკითხვა პირველი: იმ პერიოდში,როდესაც ჩინეთი მრავალ სამთავროდ იყო დაყოფილი,არსებობდა წესი,რომლის მიხედვითაც ბრძოლაში დამარცხებული ჩინელი მმართველი – გამარჯვებულ მმართველთან ზურგზე მოკიდებული საგანგებო ნივთით უნდა გამოცხადებულიყო.დაასახელეთ რა ნივთი ჰქონდათ ზურგზე მოკიდებული დამარცხებულ მმართველებს და რას აღნიშნავდა სიმბოლურად იგი?

შეკითხვა პირველი: გამოჩენილ ძველბერძენ ფილოსოფოსს,სოკრატეს მოწაფესა და კირენული სკოლის ფუძემდებელს – არისტიპე კირენელს (ძვ.წ.აღ-ით 435-355 წლები) ჰკითხეს,თუ რა სარგებლობა მოუტანა მას ფილოსოფიამ?! რაზეც არისტიპემ უპასუხა: “მან მომცა საშუალება,”გავაკეთო ეს” ყველასთან,ვინც არ უნდა იყოს იგი”. დაასახელეთ რა იგულისხმა არისტიპემ?

შეკითხვა პირველი: რომის იმპერიის სისასტიკით განთმულმა ოდიოზურმა იმპერატორმა – ნერონმა,რა ამაზრზენი საჩუქარი მიართვა თავის რიგით მეორე ცოლს პოპეა საბინას?

შეკითხვა პირველი: იმ დროს,როდესაც დასავლეთ აფრიკაში მდებარე გვინეის რესპუბლიკაში მეტად მოუსავლიანი პერიოდი დადგა,ქვეყნის ხელისუფლებამ ადგილობრივ მოსახლეობას აუკრძალა ამ საქმიანობაზე ხელი აეღოთ.აღსანიშნავია ის გარემოება,რომ ამ საქმიანობის მქონე დასახელების ტილო დახატული აქვს გენიალურ ნიდერლანდელ მხატვარს – პიტერ პაულ რუბენს.დაასახელეთ რა აუკრძალა გვინეის მთავრობამ ადგილობრივებს?

შეკითხვა პირველი: დიდმა ძველბერძენმა ფილოსოფოსმა-სტოიკოსმა ათონოდოროსმა (ძვ.წ.აღ-74-7 წლები),რომის იმპერატორს – გაიუს იულიუს კეისარს ერთი მეტად მნიშვნელოვანი რჩევა მისცა: “როდესაც მრისხანება შეგიპყრობს არაფერი თქვა და არც არაფერი მოიმოქმედო მანამ,სანამ ოცდაოთხივეს არ გაიხსენებ”.დაასახელეთ რის გახსენებას გულისხმობდა ათონოდოროსი?

შეკითხვა პირველი: თალმუდისტები ირწმუნებიან,რომ სამოთხეში ცოდვა მარტო ევას არ ჩაუდენია.როდესაც მან აკრძალული ხილის (ვაშლის) ჭამა დაიწყო,მის ირგვლივ იმისათვის,რომ მათაც ეგემათ აკრძალული ნაყოფი,თავი მოიყარა ყველა ფრინველმა.ამ საერთო ცოდვით დაცემაში კი,მონაწილეობა არ მიუღია ერთადერთ ფრინველს.დაასახელეთ,რომელ ფრინველზეა საუბარი?

შეკითხვა პირველი: რა პასუხი გასცა დიდმა ამერიკელმა ფილოსოფოსმა,პოეტმა,ესეისტმა და მოაზროვნემ – რალფ უოლდო ემერსონმა (1803-1882 წლები) კითხვაზე: “რას იზამდი,მზე რომ გაციებულიყო და დედამიწა დაღუპულიყო?”

“ვერ გეტყვით,კარგია ეს თუ ცუდი,მაგრამ ჩვენ ისევ ვაგრძელებთ ევროპისათვის ჭკუის სწავლებას.ვაკეთებთ ამას ჩვენ აგერ უკვე კაი 125 წელზე მეტია.არავის დავუპატიჟნივართ მეურვედ,ჩვენ თვითონ მოვახვიეთ თავს ჩვენი თავი! – ჩვენ ხომ ანგლო-საქსები ვართ”. – დაასახელეთ ამ სიტყვების ავტორი,რომელიც ცნობისათვის ერთ-ერთი უდიდესი ამერიკელი მწერალი გახლდათ.