“ბანგერის ოაზისი” – წარმოადგენს ანტარქტიდულ ოაზისს (ყინულოვანი ფენისაგან თავისუფალი სივრცე,რომელიც შემოსაზღვრულია ყინულოვანი ფარით ან შელფური მყინვარებით) ანტარქტიდის კონტინენტის აღმოსავლეთ ნაწილში მდებარე უილკსის მიწაზე.კერძოდ,ნოქსის სანაპიროზე მოუსონის ზღვასთან ახლოს.

ბანდე-ამირი – წარმოადგენს ექვსი ტბისაგან შემდგარ ერთგვარ ჯაჭვს ავღანეთის ცენტრალურ ნაწილში მდებარე ბამიანის პროვინციაში.ტბები განთავსებულია ჰინდუქუშის მთათა სისტემაში,ზღვის დონიდან 3000 მეტრ სიმაღლეზე.

ერგი-შები – წარმოადგენს აფრიკული სახელმწიფოს მაროკოს სამხრეთ-აღმოსავლეთით მდებარე ერთადერთ ერგს,მსოფლიოს ერთ-ერთ უდიდეს ქვიშიან უდაბნოში – საჰარაში.ცნობისათვის,თავად სიტყვა – ერგი გახლავთ,უმეტესად აფრიკისა და არაბეთის უდაბნოებში გავრცელებული ქვიშიანი მასივების საერთო სახელწოდება.იგი უმთავრესად წარმოიქმნება რელიეფის დადაბლებულ ადგილებში და მოიხსენიებენ,როგორც – “დიუნების ველი”.

ნოტოს ნახევარკუნძული – წარმოადგენს იაპონიის შემადგენლობაში შემავალი ერთ-ერთი უდიდესი და უმთავრესი კუნძულის -ჰონსიუს ცენტრალურ ნაწილში მდებარე ნახევარკუნძულს.

კანასის ტბა – მდებარეობს ჩინეთის სახალხო რესპუბლიკაში არსებულ სინძიანის ავტონომიურ რაიონში,კერძოდ ალტაის მთებში,ზღვის დონიდან 1 340 მეტრ სიმაღლეზე.

“მიჰარა” – წარმოადგენს მოქმედ სტრატოვულკანს იაპონიის კუნძულ იძუოსიმაზე.იგი საშუალოდ ყოველ 100-150 წელიწადში ერთხელ ამოიფრქვევა.ვულკანის სიმაღლე ზღვის დონიდან 764 მეტრია.