„მოწიფულმა ადამიანმა, ვიდრე რამეში ჩაერეოდეს, ჯერ უნდა მოიფიქროს, სადამდე შეტოპავს”.

„თუ გსურთ რაღაც, იგი ფასეულია. რაც არ გინდათ, ფასს კარგავს. მაშასადამე, ფასეულობა ნივთში კი არ არის, თქვენს სურვილშია”.

„ვინც თავის საქმეებს მოგვანდობს, უფლება აქვს თავის საქმის ვითარებაზეც მოგვკითხოს”.

„ზოგიერთს გროში არა აქვს ჯიბეში და მადა კი ისეთი მიუცია ღმერთს, რომ მილიონებიც არ ეყოფა”.

„სიცოცხლე მარილში მოხალულ გოგრის თესლსა ჰგავს, რომელიც თუმცა გვარიანად მოგბეზრდა, მაგრამ მაინც ვერ შელევიხარ”.

„ზოგიერთი კაცის არც ტირილი დაიჯერება და არც სიცილი”.

„თვითეულ ჩვენგანში არის ერთი ბნელი, ყველა დაკვირვებისათვის მიუწვდომელი, საშინელი მხარე”.

„უგულოდ დაქუხებულ ზარბაზანს რწმენით გასროლილი ქვა სჯობია”.

„ბუნდოვანი მეტყველება ჭეშმარიტ აზროვნებას არ გამორიცხავს”.

„ადამიანს ყველაფერი უნდა უყვარდეს თავის დროზე, რაც კარგია, ცხადია”.