„ქვეყანაზე სტუმრისთანა საყვარელი არაფერია! მაგრამ თუ ტრადიციულად დადგენილი ვადები დაირღვა, სტუმარი უკვე მოსაბეზრებელი ხდება, ხოლო სტუმრობა თუ ხიზნობაში გადაიზარდა… ღმერთმა დაგიფაროს!”

„ვინ რისი შემძლეა, არავინ არ იცის ქვეყანაზე…”

„ეს არი ყოველგვარი უკუღმართობის სათავე – ჩემი ოჯახი, ჩემი გეჯა, ჩემი სალაფავი და შიგ ყურებამდე ჩარგული თავი, რომ სხვამ არ ჩაგვიკრას დინგი”. – (ჩიტების გამოსაზამთრებელი)

„ღმერთმა ისე ნუ წაგვახდინოს, რომ ვთქვათ და არ ავასრულოთ”.

„ქალისათვის იმაზე სანანებელი არაფერია, უღირსს, ჯაბან კაცს რომ მიუძღვნის გულსა და სიყვარულს”.

„სხვას ნუ გამოვეკიდებით, ცხოვრება რთულია და ვის ფეხი სად გადაუცდება, კოჭებში ნუ ჩავუსაფრდებით”.

„არასოდეს არ გაერიო ბინძურ თამაშში. სიბინძურეს ყოველგვარ საგანს გააცლი კაცი, გარეცხავ, გაასუფთავებ, მხოლოდ სულს ვერა! სულში სიბინძურე წარუშლელ ლაქად რჩება და ისევე ხელშეუხებელია, როგორც გუშინდელი დღე!”

„არავის ჰყოფნის დრო თავისი შრომის დასამთავრებლად”.

„ადამიანის გამტყუნება ძნელია, მით უმეტეს, თუ შენ თვითონაც ადამიანი ხარ”.

„მართალია, შურისძიება გმუხტავს, გაძლევს იმ იმპულსს, სხვა დროს რომ არ გაგაჩნდა და ჩაგადენინებს ისეთს, სხვა შემთხვევაში რომ არ ჩაიდენდი.