„ – ყველაფერს რომ ბედი დავარქვათ და ბედით ავხსნათ, მაშინ ყოველგვარი ბოროტების გამართლება შეიძლება ქვეყანაზე. ბედიაო იტყვი და, რასაც გინდა გააკეთებ. ასე როგორ შეიძლება?”

„ძნელია, როცა დიდხანს ელოდები რაღაცას, როცა მუდამ ელოდები რაღაცას, თუნდაც ეს რაღაც ბედნიერების მომტანი იყოს”.

„ – ახ, რა კაცი მოკლეს, – ამბობდა ანტონი, – ახ, რა კარგი ადამიანი მოკლეს…

„ღმერთი უხილავია, მაგრამ ყველაფერში იგრძნობა”.

„ – რად გინდა რამე, თუ თავისუფლება არ გექნება. ჩემმა შვილებმა იცოცხლონ, ჯობია ტიტველი და მშიერი დადიოდე, ოღონდ თავისუფალი იყო, გამომცდია და ვიცი…”

„ – მიწა ფულით არ იყიდება, შე უპატრონო, სისხლით და ოფლით უნდა მიწას შოვნა”.

„დედა ადამიანისათვის არა მხოლოდ ხორცშესხმული არსებაა, არამედ გაუცნობიერებელი მისწრაფება, რომელიც უსაზღვრო ნუგეშს გპირდება”.

„ – უცბად კი გადის დრო, შვილო, მაგრამ რამდენი რამ იცვლება ამ სიუცბათეში?!”

„უბედურება ის არი, ავკაცობით ცნობილი პიროვნებებიც რომ მოწიწების ღირსნი ხდებიან ზოგჯერ ჩვენში”.

„როდესაც კაცი ბედნიერია, ყველა მის ცუდ მხარეებს ამჩნევს, მაგრამ როცა კაცს უბედურება შეემთხვევა, ყველას მისი კარგი თვისებები აგონდება”.