„ქალის პატიოსნების მწყემსი, გინდა მზეთუნახავი იყოს, გინდა ჯოჯოხეთის მაშხალა, სინდისია, ვისაც ეს არა აქვს, რამდენიც არ უნდა უყარაულო, ცხრაკლიტურშიც რომ გამოამწყვდიო, უნამუსობას არ მოიშლის”.

„კაცის ღირსების საზომი ოდით ის იყო, ცოლ-შვილს როგორ მზრუნველობდა, დღესაც ასეა და მარად ასე იქნება”.

„კეთილი ბოროტად გადაიქცევა, თუ ორივეს თავის სახელს არ დავარქმევთ!”

„ხდება ხოლმე, რაც უფრო გულით გინდა, გწადია ამა თუ იმ საქმის კარგად, უზადოდ გაკეთება, მით უფრო არ გამოგდის”.

„რა იოლია სიკვდილზე ფიქრი, როცა იგი შორსაა, იცი, რომ ვერ შეგეხება მისი მსახვრალი ხელი, მაგრამ საშინელი რამ ყოფილა

„უზნეო ქალები ყველაზე იოლად სულელ მამაკაცებთან ნახულობენ საერთო ენას!”

„ – ნუთუ არ შეიძლება, კაცმა თავისით გაიკვლიოს გზა, არავისგან დავალებული არ იყოს?”

„მთელი სიგრძე-სიგანით უნდა განიცადო ყოველი წამი, რადგან ცხოვრება წარმავალი წამიერებაა”.

„აი, თურმე, რა შესძლებია ფულს, გუშინ აღრენით მელაპარაკებოდა, ახლა კი როგორ შემომცინის”.

„დიდი უბედურებაა ქალისთვის ოჯახური სიტკბოების განუცდელად სიკვდილი, უქმარშვილო ქალი უკვალოდ გამქრალი ვარსკვლავია”.