„ – აქამდე მეგონა, რომ ხალხი ცხვარი იყო. ახლა იმასაც ვხედავ, რა დაუნახავი ყოფილა…”

„რწმენა ყველაფრის დედაა ამ ქვეყანაზე. უნდა გჯეროდეს, რომ არსებობს ძნელი, მაგრამ არ არსებობს დაუძლეველი”.

„კატას ძეხვი დაეცა და – ღმერთო, ასეთი მეხი ნიადაგ არ მომაშოროო!”

„ – მომიტევოს დიდმა დარვინმა და, რატომღაც არა მჯერა, რომ მე მაიმუნის ანდა მისი მსგავსი ცხოველისაგან ვიყო წარმოშობილი… თუმცა ზოგიერთთა ძმათა ჩემთა ქცევა სწორედ რომ ამაზე მიგვანიშნებს”.

„ – დაიხსომე: სხვის საქმეში არასოდეს არ ჩაერიო. ვინ იცის, კაცი რა ხასიათზეა. ზოგს თავიც კი აქვს მოძულებული”.

„ჯერ კიდევ დარვინამდე არსებობდა ბუნებაში შერჩევის კანონი: დედამიწაზე ჯუფთი ჯუფთს ეძებს და ტოლი ტოლისკენ მიილტვის”.

„ადამიანის სიავკაცემ რწმენა დამიკარგა”.

„უცებ იმოქმედო გადამჭრელად და სისულელე არ დაუშვა – გენიოსობაა”.

„გლეხ კაცს ერთი ფილოსოფია აქვს: უდგას ჯამი და ჩაჰყურებს: აევსება – მღერის, დაეცლება – ტირის”.

„ზოგი კაცი მიმპარავ ძაღლზე უარესია. არ იცი, სად და როდის გიკბენს”.