„ბერს შეჰფერის და ძალუძს ყველგან სიმართლე ეძიოს, ლმობიერი იყოს…

მეფეს კი სიმტკიცე და გამართლება სჭირია, თორემ არც მეფობა გამოვა და არც სამეფო! მკაცრი დროა, ადამიანსაც უწევს მკაცრობა!”

„პირველი რომის ვეება საკეისრო დაიშალა! მონღოლთა თვალუწვდენელი სახელმწიფო აღარ არსებობს… გაცამტვერდა ოქროს ურდო… ჩვენს ახლო დაეცა დიდი ბიზანტია…

„ – ასეთი რა გვჭირს ქართველებს, რომ ვერა და ვერ გავერთიანდით?

„დიდკაცობაში მოკლე მეხსიერება აქვთ ხოლმე უმეტესსა”.

„ვისაც მთელი ეკუთვნის, არ მენახევრობს”.

„ზოგ „მოკლე გამარჯვებას” ხანგრძლივი უმარცხობა გვერჩიოს!”

„ზოგი ჭირიც მარგებელია, მაგრამ ზოგი სიკეთეც მავნებელი!”

„შვილებმა თითქმის არასოდეს იციან მშობლების სიყვარულის სიღრმე, მაშინაც კი, როდესაც თავად ხდებიან მშობლები და ეს თვისება მხოლოდ თავისი ჰგონიათ”.

„მუქარა წაგებით გაბრაზებული კაცის ტრაბახია!”

„ქალისათვის სილამაზე ბედნიერი, მაგრამ სახიფათო სამკაულია!”