„მოგეხსენებათ, ყოველი ნატვრის შესრულებას ზედნადები ხარჯები აქვს”.

„ – მე რომ მკითხონ, საქართველოს ბაღებად და ვენახებად გადავაქცევდი”. – (ახალი წყარო)

„ჩაუარეს საროსკიპოებს, იყო ვაჭრობა ცოცხალი ხორცით და ალერსით”.

„დღემდე საქართველო ქალს უფრთხილდებოდა, როგორც დედას და ქვეყნის მშვენებას. ფარვანასავით თავს დასტრიალებდა. ნიავს არ აკარებდა. დღეს კი…”

„ადამიანთა საკრებულო მუდამ ორ რიგად იყოფა: მონებივრენი, ვისზედაც ზრუნავენ, და მანებივრალნი, ვინაც მათზე ზრუნავს”. – (სტეფანე პაპას ზიზიები)

„სახელი დაგორებული თოვლის გუნდის მსგავსია, ამბობენ, თუ ერთხელ მოსწყდა, ზვავივით გაიღებს ხმაურსო”. – (აქიმი და ხურო)

„აი დიდი ცხოვრების გზა, ქარიშხალი, ჭექა-ქუხილი, თქეში და ღვართქაფი…” – (მისი სურათის გმირი)

„ – დიახ, კეთილო მსაჯულნო, ხშირად ცოდვები აღამაღლებენ კაცს და უფრო ხშირად უფსკერო ტანჯვანი აქარწყლებენ ცოდვებს”.

„ – რა უფლება აქვს ბატონ სინდისს ყოველ ღამე გამომიძახოს, დამკითხოს და გამასამართლოს. ვის უნახავს ასეთი მკაცრი მოსამართლე.

„არამკითხე მოამბეები უმწარებენ სიცოცხლეს ადამიანსა და ქვეყანას. ამ გულჭვარტლიანთ არაფერი წმინდა არა აქვთ.