1. „მეფე შეუცდომელია”. – ასეთი სახის მქონე ჩანაწერი იყო გაკეთებული ინგლისის პირველ კონსტიტუციაში.

1. მსოფლიო ლიტერატურის ერთ-ერთ ფრანგ თვალმარგალიტს – ალექსანდრე დიუმას, კავკასიაში მოგზაურობის ჟამს მწვადი დააგემოვნებინეს, რამაც იგი იმდენად აღაფრთოვანა, რომ პარიზში დაბრუნებისთანავე ამ უდიდესი ისტორიის მქონე ქალაქში – პირველი „სამწვადე” გახსნა.

1. მსოფლიო ლიტერატურის გერმანელმა ტიტანმა – იოჰან ვოლფგანგ ფონ გოეთემ, სიბერის ჟამს აღიარა, რომ მთელი თავისი ხანგრძლივი და შეგნებული ცხოვრების განმავლობაში სწავლობდა კითხვას, რომ მან ამაზე დახარჯა უამრავი წელი და ჯერ კიდევ არ შეუძლია დაბეჯითებით თქვას, რომ მიზანს მიაღწია.

1. პირველი ნამდვილი საზოგადოებრივი ზოოპარკი გახსნილი იქნა პარიზში – 1793 წელს. მისი სახელწოდება გახლდათ – „ჟარდინ დე პლანტე” და იგი შედგებოდა როგორც ზოოპარკის განყოფილებისაგან, ასევე ბოტანიკური ბაღისა და მუზეუმისაგანაც.

1. ზურაბ ბეგი, ფაზლალი ბეგი, შარმაზან ბეგი, ზეინალ ბეგი, ქაიხოსრო ხანი და ალი ხან ბეგი – ირანის (სპარსეთის) სამეფოში მოღვაწე ქართველი პოეტები იყვნენ.

1. ადამიანმა ღორი პირველად ჩინეთში მოიშინაურა ჩვ.წ.აღ-მდე მერვე ათასწლეულში.

1. ალექსანდრე მაკედონელმა თავისი ჯარის რიგებში მყოფი უკმაყოფილო ჯარისკაცებისაგან ჩამოაყალიბა ერთი საჯარისო შეანერთი, რომელსაც სახელად – „ტაგმა ატაკტონ”, ანუ – „უწესრიგოთა რაზმი” უწოდა. იმისათვის, რომ ამ ანარქისტ ჯარისქაცებს სხვა, ჯანსაღი საომარი ძალებიც არ აეყოლიებინათ, მათზე უმკაცრესი ზედამხედველობა იყო დაწესებული.

1. VII საუკუნეში მოღვაწე დიდი ბიზანტიელი ისტორიკოსის – იოანე ანტიოქელის გადმოცემის თანახმად, კოლხეთიდან საბრძნეთში გატაცებულ „ოქროს საწმისზე”, რომელიც ცხვრის ტყავისაგან იყო დამზადებული, ოქროს ქიმიურად მიღების წესი იყო დაწერილი.

1. სახელგანთქმულმა ფრანგმა მწერალმა – ალბერ კამიუმ 19 წლის ექსტრავაგანტ ქალზე – სიმონა იიმზე 21 წლის ასაკში იქორწინა. თუმცა, ლიტერატორის რჩეული ქალი ნარკოტიკების მომხმარებელი აღმოჩნდა, რის გამოც ცოლ-ქმრის წყვილი ორ წელიწადში დაშორდა ერთმანეთს.

1. ნაპოლეონ ბონაპარტის განკარგულებაში რამდენიმე სახეობის პოლიცია იმყოფებოდა: ერთი – პოლიციის მინისტრის – ჟოზეფ ფუშეს ხელმძღვამელობით, რომელიც იმპერიის მთელ მოსახლეობას მეთვალყურეობდა და აკონტროლებდა,