როგორც ცნობილია,ამერიკის შეერთებული შტატების რიგით 33-ე პრეზიდენტი – ჰარი ტრუმენი (1884-1972 წლები),რომელმაც პირადად გასცა ბრძანება იაპონური ქალაქების – ჰიროსიმასა და ნაგასაკის ატომური ბომბებით განადგურებისა,არასოდეს განიცდიდა ამ უდიდესი ტრაგედიის გამო სინდისის ქენჯნას.

ბიზანტიის იმპერატორის – იუსტინიანე I-ის მეუღლემ,დედოფალმა - თეოდორამ (დაახლოებით 500-548 წლები),რომელიც მართლმადიდებელი ეკლესიის მიერ წმინდანად იქნა შერაცხილი, და რომელმაც უდიდესი გავლენა იქონია ბიზანტიის იმპერიის პოლიტიკურ და რელიგიურ ცხოვრებაში,ბოსფორის სრუტის სანაპიროზე (კონსტანტინოპოლი) ყოფილი მეძავებისა და კურტიზანი ქალებისათვის სპეციალურად დააარსა მონასტერი.

1919 წლის 16 მარტს მოსკოვში გარდაიცვალა რუსეთის იმპერატორის ნიკოლოზ II-ისა და მისი ოჯახის დახვრეტის ერთ-ერთი ორგანიზატორი და სრულიად რუსეთის ცენტრალური აღმასრულებელი კომიტეტის ებრაული წარმომავლობის მქონე ბოლშევიკი თავჯდომარე – იაკობ სვერდლოვი (1885-1919 წლები).

1962 წლის 7 ნოემბერს ნიუ-იორკში 78 წლის ასაკში გარდაიცვალა ამერიკის შეერთებული შტატების ისტორიაში ერთ-ერთი ყველაზე გავლენიანი “პირველი ლედი”-ს ტიტულის მატარებელი ქალბატონი – ანა ელეონორა რუზველტი.

“ერთგულება არ განისაზღვრება ერთი ქალის,ერთი სახეობის ყავის ან ერთი ხარისხის ღვინისადმი გამოვლენილი ერთგულებით.ერთგულება – ეს არის სიმბოლო,სიმბოლო პრინციპებისა”. – აღნიშნა “Paris Match”-თან ინტერვიუში საფრანგეთის ექს-პრეზიდენტმა ფრანსუა მორის ადრიან მარი მიტერანმა (1916-1996 წლები),რომელმაც გარდაცვალებამდე მხოლოდ მცირეოდენი ხნით ადრე აღიარა საჯაროდ,რომ უკანასკნელი 18 წლის განმავლობაში ზრდიდა თავის უკანონოდ შობილ ქალიშვილს,სახელად – მაზარინს.

1955 წელს მოსკოვს ოფიციალური ვიზიტით ეწვია ინდოეთის რესპუბლიკის რიგით პირველი პრემიერ-მინისტრი – ჯავაჰარლალ ნერუ (1889-1964 წლები).იგი საბჭოთა ხელისუფლებამ ერთობ გულთბილად მიიღო და ბევრი კეთილი სიტყვაც უძღვნა მას.