60 წლის ასაკში მყოფმა გენიალურმა ძველ ბერძენმა ფილოსოფოსმა,მათემატიკოსმა და მისტიკოსმა – პითაგორა სამოსელმა (ძვ.წ.აღ-ით 570-490 წლები),თავის ერთ-ერთ ახალგაზრდა მოსწავლე გოგონაზე – თეანოზე (ძვ.წ.აღ-ით VI-V საუკუნეები) იქორწინა (ერთ-ერთი ვერსიით,თეანო პითაგორას ფილოსოფოსი მეგობრის – ბრონტინოს მეტაპონელის ქალიშვილი იყო).

გერმანული წარმომავლობის მქონე დიდი ფრანგი პროტესტანტი თეოლოგი,ფილოსოფოსი და ექიმი - ალბერტ შვეიცერი (1875-1965 წლები),არა მხოლოდ ნობელის პრემიის ლაურეატი გახლდათ,არამედ სამ სხვადასხვა სფეროში დოქტორის ხარისხის მატარებელიც იყო.

როგორც ცნობილია,საფრანგეთის იმპერატორი – ნაპოლეონ I ბონაპარტი იმდენად აღტაცებული გახლდათ ერთ-ერთი უდიდესი იტალიელი ფიზიკოსის,ქიმიკოსისა და პირველი ელექტრული ფიჭის (ბატარეის პროტოტიპი) შემქმნელის – ალესანდრო ვოლტას (1745-1827 წლები) მოღვაწეობითა და სამეცნიერო მიღწევებით,რომ მას ბევრ დიად ფრანგ მეცნიერზე წინაც კი აყენებდა.