„აივანზე, რა თქმა უნდა, ყველაზე მაღლა ვარ… ეს კი შეიძლება სიმბოლურიც იყოს. მაგრამ აკი სწორედ სხვებზე მაღლა დგომაა რაღაც-რაღაცებს რომ გიკრძალავს… იცით რა? თითოეულ თქვენგანზე მაღლა დგომა, გაგიხარიათ, ჩემთვის სასიამოვნო იყოს, მაგრამ ვაითუ პატარ-პატარა და აუცილებელმა სიხარულებმა ამ სიმაღლეზე ვერ ამოაღწიოს?”

„თუკი ლოცულობ, სულერთია რომელ საკანში იქნები – ციხის თუ მონასტრის”.

„როცა ადამიანი თავისი ცხოვრების უკეთ მოწყობას ცდილობს, ულმობელია ხოლმე”.

„ამაო შრომას გასწევს კაცი, თუკი იმ პაიკების გადაადგილებას შეეცდება, ბედისწერა რომ ათამაშებს. დიდი ჭკუა უნდა გქონდეს, ბედისწერის საქმეში ჩამრევს!”

„ორი სამშობლოს მაძებარი კაცი დაღუპულია, ყოველ არსებას ერთი სამშობლო აქვს, მითუმეტეს, ადამიანს. დიახ, ის, ვინც ორ სამშობლოს ეპოტინება, ვერც ერთს ვერ შეიყვარებს გულით”…

„რაც უფრო დიდი და უჩვეულო საქმის აღმოჩენას მოინდომებ, მით უფრო პროზაულსა და უბრალო ამბებს შეგახვედრებს ცხოვრება”.

„მთელი თავისი სიმახინჯის მიუხედავად, დამარცხება შეიძლება აღორძინების ერთადერთ გზად იქცეს”.

„ბუნებამ მოგვცა ერთი გამოსავალი – ყველაფერს მოვუძებნოთ გამართლება”.

„ყოველ დროში ამბობდნენ და იმეორებდნენ, ადამიანო, შეიცანი თავი შენიო. იშვიათი მოთხოვნაა, რაც დღემდე ვერავის შეუსრულებია და ვერც ვერასოდეს შეასრულებს სრულყოფილად”.

„ამდენი გნიასი და ღრიანცელი იმის შედეგია, რომ ყველას სურს ყველაფერი იყოს”.