„სიბერესა და სიკვდილს ყველა ცოცხალი არსება ეულად ხვდება – იმ დროსა თუ ჟამს გვერდით არავის არავინ ამოუდგება ამ დალოცვილ წუთისოფელში”.

„ – გააჩნია, ვის როგორ ესმის მამულის სამსახური, თორემ ნახევარი საქართველო მუდამ „საქართველოს სიყვარულით” იყო დაქცეული!”

„ – რეპუტაცია არ უნდა გაიფუჭო, თორემ სახელის გატეხვას თავის გატეხვა გერჩიოს. დაარტყი, დაჩეხე, გათელე, გასრისე, მოჰკალი, ოღონდ არავინ გაგიგოს, რაც მთავარია, ვერ დაგიმტკიცოს და მაშინ

„რაც არ არის, ეშმაკიც ვერ მონახავს”.

„ხალხს თუ უყურე, გაგაგიჟებს”.

„ერთხელ დალაპარაკებით რომ გვესმოდეს ჩვენ ერთმანეთის, სხვანაირად იქნებოდა ცხოვრება აწყობილი”. – (ურვა)

„ქალმა რომ ვერ მოახერხოს, ისეთი რაა ქვეყანაზე?”

„რისიმე შექმნას მოცალეობაც უნდა”.

„როცა გულში ღამეა, თვალი გინდ მზეს უმზერდეს და გინდ კუპრის ცას, რა განსხვავებაა…” – (ცხოვრება პატარა კაცისა)

„ – მეგონა, – ადამიანის სული ეძებს სხვა ათასის შორის თავის მონათესავე სულს. მეგონა – რა ნახავს სული მოკავშირე სულს, არ დაშორდება არაოდეს. და ეს კავშირი მეჩვენებოდა უკუნიდან წარმომდგარ ძალათ, რომელიც უკუნისამდი ცოცხლობს… შევცდი…” – (ერთი დრამის ეპილოგი)