„ამ ჩვენს მშვენიერ საუკუნეში სწავლა-განათლება, მეცნიერება, მუქთამჭამელობა და მაიმუნობა ერთმანეთშია არეულ-დარეული”.

„სიბრალული აქვს სათავედ სიყვარულსაც, ნუგეშისცემასაც, ერთმანეთის განკითხვასაც, შეწყნარებასა და შენდობასაც.

„დათმობა თუ არ იქნა, ისე რა ცხოვრება აშენდება!”

„ადამიანს სხვისი სიტყვით თუ იცნობ, ეს იმას ნიშნავს, რომ ან სრულებით არ იცნობ, ან უკუღმა იცნობ”.

„დღეს ყველაფერს პოლიტიკის შმორი ასდის! სიყვარულსაც, სიძულვილსაც, მეგობრობასაც!..”

„დალახვროს ღმერთმა გრძელი ენა და დაუყენებელი პირი!”

„ – ასე ვიცით ჩვენ: ყველა ჯოხი გაჭირვებულ კაცზე უნდა გადავტეხოთ!”

„გახსოვდეთ! ჩვენ, უწინარეს ყოვლისა, ადამიანები ვართ!”

„ – სხვის თვალს ვენაცვალე! სხვისი თვალი რომ არა, ჩვენს ავსა და კარგს ვერასოდეს დავინახავდით!”

„ – მე აღმოვაჩინე, რომ ერთი კაცის ჩავარდნა მანქანის ქვეშ, კოლოსალური ომი ან მთელი სამყაროს მოსპობა, პირნციპულად, ერთნაირი უბედურებაა!”