„ – ძმის აუგს ბიძაშვილს ნუ გაუმხელ, შვილო, ბიძაშვილისას მეზობელს ნუ ეტყვი, მეზობლისას კი – გადამთიელს”.

„ამ ცხოვრებაში ყოველივეს კადრულობენ”.

„ყოველ ქვეყანას თავისი საზრუნავი და პოლიტიკა აქვს და მეორე ქვეყნის ბედი ფეხებზე ჰკიდია. ასე არიან ადამიანებიც”.

„ – მე მგონია, ყველანი ადამის ჩამომავალნი არა ვართ. ზოგი თუ ადამიანის შვილია, ზოგი დათვისაა, ზოგი – ღორისა, ზოგი – სახედრისა…”

„სიმართლე ისეთი ოქროა, რომელსაც ყველა ჩემობს”.

„მოკვდავ კაცს არა ხელეწიფება ადამიანის სულში ხელის ფათური. შენ კაცო, ვინ ხარ? უფლება ვინ მოგცა, სხვის სულში ხელი აფათურო და წარსტაცო ყოველივე, რაც მას ახარებს?! მის ნაცვლად კი შენს სიხარულზე მიუთითო და ანუგეშო, სიხარულად ეგ გეყოფაო?!”

„სიბერე და ზამთარი ერთურთს ჰგვანებია. შემოგიტევს, ცოტათი აგიცივდება და ისევ დაგითბება… უფრო ძალუმად შემოგიტევს… გგონია, გამათავაო, მაგრამ ისევ დაგითბება ცოტახნობით…

„საკუთარი ტყავის გაფრთხილება ყველამ იცის”.

„არც ერთი მეფე, რომელსაც ქვეყნად სახელი დარჩენია, ლმობიერი არა ყოფილა. თვით დავით აღმაშენებელი და გიორგი ბრწყინვალე. არაფერს ვამბობ ალექსანდრე მაკედონელზე და მკაცრ კეისარზე”.

„სანამ კაცს თავი მხრებზე ადგია, ყოველი სასჯელი მიესადაგება”.