1. უძველეს საბერძნეთში მხოლოდ წყლით კარგად შეზავებულ ღვინოს იყენებდნენ (პროპორციით: სამი წილი წყალი და ერთი წილი ღვინო).ის,ვინც სუფთა ღვინოს სვამდა,ლოთად აღიარებდნენ.ლოთებს კი “ოსტრაკიზმი”,ანუ განდევნა ემუქრებოდათ.

1. დიდი ბრიტანეთის ლეგენდარული პრემიერ-მინისტრის – უინსტონ ჩერჩილის მეუღლის – კლემენტინა ხოზიეს დედა (ანუ სიდედრი) – ლედი ბლან ხოზიე,ალკოჰოლური სასმელების ფანატიკურად მოყვარული ქალი იყო.მას შემდგომ,რაც ლედი ბლან ხოზიეს მეუღლე გარდაეცვალა,თავისი ცხოვრების დიდი ნაწილის გატარება ბანქოს სათამაშო სახლებში დაიწყო

1.  ერთ-ერთი უდიდესი ქართველი მამულიშვილისა და საქართველოს “მეჭურჭლეთუხუცესად” წოდებული – ექვთიმე თაყაიშვილის უმწიკვლო ცხოვრების წესის მაცქერალი პარიზელები გაოცებას ვერ მალავდნენ და მის შესახებ ამბობდნენ – “მდიდარი კაცი,რომელიც ძუნწი სულაც არ არის და მაინც მშიერი კვდებაო!”

1. გერმანიის დემოკრატიულ რესპუბლიკაში ცხოვრებისა და პრუსიის მეცნიერებათა აკადემიაში მოღვაწეობის პერიოდში,გერმანიის ისტორიაში პირველმა ქალმა-კანცლერმა – ანგელა დოროთეა მერკელმა კატეგორიული უარი განუცხადა გერმანიის დემოკრატიული რესპუბლიკის სახელმწიფო უსაფრთხოების სამსახურს – “შტაზს” თანამშრომლობაზე.გარდა ამისა,მან უარი განაცხადა გდრ-ის კომუნისტურ პარტიაში გაწევრიანებაზეც.

1. ჩინეთის სახალხო რესპუბლიკის ხელმძღვანლის – მაო ძედუნის პირადი ექიმის – ლი ცჰიუსის გადმოცემის თანახმად,ჩინური კომუნიზმის ფუძემდებლის უსაყვარლეს აფორიზმს წარმოადგენდა: “ადამიანები ყველაზე ხშირად საკუთარი გრძელი ენის გამო იღუპებიან…”

1. ბაროკოს ეპოქის გენიალურ ესპანელ დრამატურგსა და პოეტს – ლოპე დე ვეგას (1562-1635 წლები) ესპანურმა ეკლესიამ 1609 წელს “ინკვიზიციის ნებაყოფლობითი მსახურის” სტატუსი მიანიჭა.საკვირველია,თუმცა ფაქტია,რომ მსოფლიო სალიტერატურო ისტორიაში ყველაზე ნაყოფიერი მწერალი, 1623 წელს პირადად განკარგავდა ერესში დადანაშაულებული ერთ-ერთი ფრანცისკანელი ბერის კოცონზე დაწვას.

1. აშშ-ის პრეზიდენტის – აბრაამ ლონკოლნის მეუღლე – მერი ტოდ ლინკოლნი იმდენად აღაშფოთა აშშ-ის არმიის გენერლის (შემდგომში ქვეყნის პრეზიდენტის) – ულის სიმპსონ გრანტის მეუღლის – ჯულია გრანტის უნებართვოდ დასწრებამ ერთ-ერთ ოფიციალურ მიღებაზე,რომ იგი ერთობ უკმეხი სიტყვებით დაესხა მას თავს და გააფთრებული ყვირილით გააფრთხილა,რომ მეორედ ასეთი რამ არ ჩაედინა.

1.  გენიალური ინგლისელი დრამატურგი და პოეტი – უილიამ შექსპირი,თავის უკვდავ ტრაგედიაში – “მეფე ლირი”,წერდა: “სიმართლე არის ის ძაღლი,რომელიც ჯაჭვებით უნდა იქნეს დაბმულიო”.

1. ოფიციალური მონაცემების თანახმად, 1587-1593 წლებში გერმანიის ერთ-ერთი უძველესი ქალაქის – ტრირის სიახლოვეს მდებარე ოც სოფელში მაცხოვრებელი მანდილოსნებიდან ჯადოქრობასა და მაგიაში ბრალი დასდეს და კოცონზე დაწვეს 306 მათგანი.ასეთი საშინელი ეგზეკუციის შედეგად ორ სოფელში სულაც ორი მანდილოსანი გადარჩა ცოცხალი.

1. გენიალურ გერმანელ მწერალს,მოაზროვნესა და პოეტს – იოჰან ვოლფგანგ ფონ გოეთეს საშინლად ეჯავრებოდა სიგარეტის კვამლი.მისი სიძულვილი სიგარეტის კვამლის მიმართ იმდენად დიდი იყო,რომ მან თავისი საუკეთესო მზარეულიც კი დაითხოვა სამსახურიდან იმის გამო,რომ მან იოჰანის კაბინეტში სიგარეტი მოწია.