„ჭკვიანმა კაცმა უმიზნოდ არც უნდა დაისველოს ენა. ვინა თქვა: ენა დოვლათს არა ჰქმნისო! მოქნილი და თითლიბაზა ენით რამდენი კაცი სჭამს პურს, ვინ მოსთვლის!” – (უთქმელი სადღეგრძელო)

„ – ჰოი, უცნაურო ცხოვრება, როგორ მინდა გისაყვედურო, რომ უღირს ადამიანებს გაირევ ხოლმე შენივე სიმშვენიერის შესარყვნელად!..

„ – სიმართლე გითხრა, კაცი რომ ერთ დღეში გარდაიქმნება, იმის არაფერი მწამს”.

„ – შვილო, ბრძენი კაცის ნათქვამია, ტანსაცმელს სიახლიდან გაუფრთხილდი, სახელს და პატიოსნებას ბავშვობიდანო”. – (პურადი კაცი)

„ღვინო ღვინოა, გინდ გააკეთე და გინდ გამოაკეთე, მოგსპობს კაცს”.

„ეს ცხოვრება ყოფილა უზარმაზარი თეატრი, რომლის ავანსცენაზე ადიან ვერაგი ადამიანები და უსირცხვილოდ წარმოსახავენ სიკეთესა და სიმართლისათვის მებრძოლთა სახეებს

„მამაკაცი წინ, ქალი უკან, წინათ ამ ფათერაკებიან ქვეყანაში ასე უვლიათ, ვაჟკაცი უთუოდ წინ გავიდოდა, ავთა და ბოროტთა, ფათერაკთა შესაგებებლად, წინ ივლიდა.

„ – ადამიანებს ბავშვობიდანვე პატიოსნებას ასწავლიან, უპატიოსნონი კი გამოდიან”.

„ – როდის იყო სიმართლის მთქმელი გაგვიხარებია!” – (ძია შიოს უცნაურობანი)

„ – როგორც მოგეხსენებათ, დათვი ზამთრობით ჩაიდებს პირში საკუთარ თათს, ლოკავს და თავს იტყუებს, საკვებს შევექცევიო. ჩვენც დათვს ვგავართ ზოგჯერ: ვიიმედებთ და ვიტყუებთ თავს”.