„ერთი მეათედი იმათგან, ვინც განუწყვეტლივ წუწუნებს, წახდა საზოგადოებაო, თვითონ რომ პატიოსანი იყოს, ქვეყანა სამოთხედ გადაიქცეოდა”.

„ზოგს უნარი აქვს ცხოვრება გაიადვილოს, ზოგი – ძალათ იძნელებს ყველაფერს!”

„ქუდი სოკოსაც ხურავს!”

„ – მამაზეციერს არცერთი არ გავუჩენივართ უნაკლოდ. ვინ მოთვლის, შენი ჭირიმე, რამდენი დიდი და პატარა მანკი გვჭირს ყველას!”

„პრივილეგია ყველაზე წამბილწველი და საშიში ქრთამი ყოფილა. იგი, თურმე, ისევე რყვნის ადამიანს, როგორც ყოველგვარი ქრთამი, ყოველი უკანონო საჩუქარი…”

„სიყალბეც ბევრჯერ ისე გულწრფელ სამოსშია გახვეული, როგორც სიმართლე!.. ასე რომ არ იყოს, განა, ამქვეყნად ვინმე მოტყუვდებოდა?!”

„სიცოცხლე ყველაზე დიდი განძია, მაგრამ არაფერი ისე არ დაგაბეჩავებს, როგორც მისი მონური სიყვარული”.

„საერთოდ, არ უნდა გეშინოდეს ცხოვრებისა. სულ ერთია, იმაზე მეტს მაინც ვერ გამოცდი, რაც მამაშენმა გამოსცადა”.

„ჩემო კეთილო, რაც ეს სამყარო არსებობს, ყველაფერი წინ მიდიოდა და მიდის მხოლოდ მუცლით. სხვაფრივ არც ყოფილა და არც იქნება”. – (მოლოხი)

„ – არ არსებობს უფრო დიდი ბოროტება, ვიდრე ადამიანში გალიის კარი გაუღო მხეცს. სანავარდოდ გაუშვა ის”.