1. მათემატიკის საერთაშორისო დღე ყოველი წლის – 1 აპრილს აღინიშნება.

1. ვენეციელ მეხანძრეებს ქალაქში არსებული არხებიდან ზღვის მარილოვანი წყლით შენობა-ნაგებობებში გაჩენილი ხანძრის ჩაქრობა ოფიციალურად აქვთ აკრძალული,

1. ცნობილ ირანელ მოჭადრაკე ქალს – დორსა დარაჰშანს ირანის საჭადრაკო ნაკრების წევრობაზე მხოლოდ იმის გამო ეთქვა უარი, რომ მან კატეგორიული უარი განაცხადა – ჰიჯაბის ტარებაზე. სამაგიეროდ იგი, ამერიკის შეერთებული შტატების საჭადრაკო ნაკრებში იქნა აყვანილი.

1. ლეგენდად ქცეული ბრიტანეთის პრემიერ-მინისტრის – სერ უინსტონ ჩერჩილის უმშვენიერესი გარეგნობის მქონე დედას – ჯენი ჯერომ-ჩერჩილს – მაჯაზე დრაკონის ტატუ ჰქონდა დატანილი.

1. სპარტელებს უამრავი ილოტი მონა კი ჰყავდათ, თუმცა პირად საკუთრებაში მათი ყოლიების უფლება არც ერთ მათგანს არ გააჩნდა, რადგან მონები სპარტაში – „სახელმწიფო საკუთრებას” წარმოადგენდნენ.

1. ციმბირის უმკაცრეს კლიმატურ პირობებში მსჯავრდებულების გაკატორღებას სანამ მეფის რუსეთი და შემდგომ, საბჭოთა კავშირი მიჰყოფდნენ ხელს, მანამდე გაციმბირებით მსჯავრდებულებს XIII-XV საუკუნეებში სჯიდნენ ოქროს ურდოს ფეოდალურ სახელმწიფოში.

1. ვეფხვის ერთ-ერთი უიშვიათესი სახეობის – „ამურის ვეფხვის” მკვლელობა ადამიანის მკვლელობასთან არის გათანაბრებული ჩინეთში და სასჯელიც შესაბამისი გააჩნია – სიკვდილით დასჯა.

1. ინგლისის ცოლთმოძულე მეფე – ჰენრი VIII ტიუდორი სიცოცხლის უკანასკნელ ჟამს იმდენად გასუქდა, რომ მისი უდიდებულესობის წონამ – 177 კილოგრამს მიაღწია.

1. მართვის პირველი მოწმობა ისტორიაში, რომელსაც „მექანიკური ძრავის მქონე სატრანსპორტო საშუალების მართვის შესაძლებლობის სერთიფიკატი” ეწოდა, გაცემული იქნა პარიზში 1893 წელს.

1. პირველი პანდემია, რომელიც დოკუმენტურად არის დადასტურებული, უძველეს ანატოლიელ ხალხში – ხეთებში დაფიქსირდა ჯერ კიდევ 3 500 წლის წინათ.